amalinks wokungena

Inkonzo YeJohannes Marange Apostolic Sect ithi Izavotela I-ZANU PF Kukhetho Oluzayo

  • Sithandekile Mhlanga

Isiphathamandla salinkonzo, uMnu.daniel Muteba, yena obikwa edabuka kwele democratic republic of congo ubikwa ethule lesisinqumo kumsekeli kamongameli welizwe unkosikazi joyce mujuru obethekelele emuzini we Bocha Mafararikwa lapho ibandla leli ebelilephasika khona.

Ibandla lwezokholo ele Johanne Marange Apostolic Sect elamalunga acatshangelwa ukuba angafika phose izigidi ezimbili eZimbabwe ithi izavotela ibandla lezombusazwe ele ZANU PF kukhetho oluzayo ngoba amanye amabandla alandela izifiso zabamhlophe bona abaloncindezelo.

Isiphathamandla salinkonzo, uMnu.Daniel Muteba, yena obikwa edabuka kwele Democratic Republic of Congo ubikwa ethule lesisinqumo kumsekeli kamongameli welizwe uNkosikazi Joyce Mujuru obethekelele emzini we Bocha Mafararikwa esigabeni seManicaland lapho ibandla leli ebelilmbuthano wephasika.

UNkosikazi Mujuru yena utshayele ihlombe amalunga ebandla leli ngokuqakathekisa umsebenzi wezandla

UMfundisi Eddison Dube, isiphathamandla se Tsholotsho Agenda utshele uSithandekile Mhlanga weStudio 7 ukuthi umuntu munye ngamunye ulelungelo lokukhetha ibandla lokusekela kwezombusazwe kodwa akumelanga lokhu kuditshaniswe lomsebenzi wenkonzo.

XS
SM
MD
LG