amalinks wokungena

Breaking News

Inkulumo Phakathi KweMDC LeZanu PF Ziqala NgolweSihlanu


Inkulumo zokuzama ukulungisisa okuhluphayo kuhulumende womanyano phakathi kweZanu PF leMDC zizaqala ngolweSihlanu eHarare, kubika iwofisi kandunankulu uMnu Morgan Tsvangirai.

Abamela iMDC ekhokhelwa nguMnu Tsvangirai kanye labamela iZanu PF bahlangane loTsvangirai ngoMvulo bahlela ukuthi inkulumo lezi zizaqhutshwa njani.

Kube lokuvumelana emhlanganweni wangoMvulo lo, ukuthi inkulumo ziqale ngolweSihlanu, okulilanga lapho okwanela khona amalanga alitshumi lanhlanu abekwe yiSadc Troika mhlaka 5 kuyonale inyanga ukuthi inkulumo lezi zibe seziqalisile.

Abamela icele leMDC elikhokhelwa nguMnu Arthur Mutambara bebengekho emhlanganweni wangoMvulo, kodwa babikwa bezaphatheka enkulumeni eziqala ngolweSihlanu.

Umphathintambo obona ngokwenzakala ewofisini kaTsvangirai, uMnu Gorden Moyo utshele uNtungamili Nkomo weStudio 7 ukuthi inkulumo lezi zizaqhubeka ngempelaviki, esithi ibandla lakhe lifuna okuhluphayo kuhulumende womanyano lo kulungisiswe ngokuphangisa.

Okuhambelana lalokhu

‚Äč
XS
SM
MD
LG