Amalunga ebandla le ZANU PF ezigabeni ezitshiyeneyo zelizwe abikwa elokhu esethusela abantu abaphatheka kuhlelo lokuqoqa imbono kazulu ezangena kusisekelo sombuso esitsha, ngendlela ezitshiyeneyo.
Esigabeni se Insiza eMatabeleland South, insoli zikahulumende zibikwa zingena emihlanganwnei le zizihlalele, okubangela ukuthi abantu besabe ukupha imbono yabo bekhululekile.
Iziphathamandla zikahulumende ezibona ngokuqhutshwa kwaloluhlelo zona zithi uhlelo lolu luqhubeka kuhle.
Ukuze sizwe ukuthi kambe kuyini okungaphuma kuloluhlelo, uSithandekile Mhlanga we Studio 7 uxoxe loMnu. George Mkhwananzi, ingcwethi ecubungula ezombusazwe njalo engumsekeli kamgcinisihlalo wenhlanganiso ye National Constitutional Assembly, I NCA, yena othi mhlawumbe imbono eqoqwayo ayisiyo ezangena kusisekelo sombuso esitsha.