Intathelizindaba ngoMvulo zibuthene eHarare zinanza ilanga lokulondolozwa kwelungelo lentathelizindaba, ele World Press Freedom Day.
Igqwetha elilwela ilungelo loluntu, uMnu. Chris Mhike utshele lumbuthano ukuthi kuyadanisa ukuthi eleZimbabwe lokhu lilemithetho engcindizela intathelizindaba efana le Access to Information and Protection ot Privacy Act.
Usomabhizimusi njalo eyintathelizindaba, uMnu. Ibbo Mandaza uthe lanxa umthetho usithi kungabi lomuntu ongenela kwezokwethulwa kwembiko uhulumende uhlezi eqondisa okuphuma emsakazweni we ZBC lamaphephandaba e Zimbabwe Newspapers.
Lelilanga linanzwa minyaka yonke mhlaka 03 Nkwenkwezi. Indikimba yalonyaka ithi: Let Journalism Thrive: Towards Better Reporting, Gender Equality and Media Safety in the Digital Age, okutsho ukuthi: Yekelani Umsebenzi Wentathelizindaba Uthuthuke Ngesikhathi Semitshina Yokwethulwa Kwezindaba Yalezinsuku.
Omunye obekumbuthano lo, nguMnu. Foster Dongozi, unobhala jikelele wenhlanganiso elwela ilelungelo lentathelizindaba, iZimbabwe Union Of Journalists othi umumo lokhu umi manzonzo kwezokwethulwa kwemibiko eZimbabwe.
