Intathelizindaba yephephandaba leStandard koBulawayo uNqobani Ndlovu umiswe phambi komthethwanada kamantshi ngoLwesihlanu kodwa waphinda wavalelwa njalo esitokisini.
UNdlovu, yena obotshwe ngoLwesithathu wetheswe icala lokuhlambaza amapholisa kanye lokuloba imbiko elakho ukubangela umvukela phakathi kwamapholisa.
Igqwetha lakhe licele umantshi, uNkosikazi Sibongile Msipa ukuba amuphe imvumo yokuhlawula imali yesibambiso, kodwa wakwala lokhu esithi ubesaqhoba amathambo engqondo ngodaba lolu.
Wengeze wathi njalo ubegijimela edilini okuyinto ecunule izihlobo zikaNdlovu labanye asebenza labo. Uzaqeda impelaviki evalelwe ejele leGreys andubana amiswe edale ngoMvulo.
Umtshutshisi kuloludaba uphikise ukubana uNdlovu anikwe ithuba lokuhlawula imali yesibambiso esithi amacala abhekane lawo makhulu kakhulu wathi njalo ulakho ukubaleka aphume elizweni, kubika igqwetha lakhe uMnu Josphat Tshuma.
