amalinks wokungena

Breaking News

Intathelizindaba Elodumo, UBornwell Chakaodza Kasekho


Imfa yakhe ilandela yeyinye njalo intathelizindaba elodumo, uMakuwerere Bwititi

Intathelizindaba elodumo, uMnu. Bornwel Kidson Chakaodza kasekho. Ubeleminyaka engamatshumi ayisithupha. UChakaodza ufe ngolweSithathu ekuseni esibhedlela se Avenues Clinic ngemva kokulwisana lomkhuhlane wemvukuzane okweminyaka emine.

Imfa kaChakaodza ilandela ukufa kwenye njalo intathelizindaba elodumo, uMnu. Makuwerere Bwititi obhubhe ngeSonto kwele Namibia.

UChakaodza wafundisa intathelizindaba ekolitshini le Harare Polytechnical College lase Christian College of Southern Africa waphinda waba yisikhulumeli sikahulumende kugatsha lwezokwethulwa kwembiko, i Ministry of Information ngomnyaka ka 1993. Kuthe ngo 1998 wakhethwa ukuba ngumhleli wephephandaba le the Herald. Ngomnyaka ka2002 uChakaodza wakhethwa ukuba ngumhleli wephephandaba le The Standard.

Izihlobo labangane zibuthene emzini wakhe kunumber 82 Goodrington Road, emzini weBluff Hill eHarare. Akukaziswa ukuthi uzabekwa nini.

UChris Gande weStudio 7 uxoxe loMnu. Njabulo Ncube umgcinisihlalo wenhlanganiso yenthathelizindaba, iMISA Zimbabwe.

XS
SM
MD
LG