amalinks wokungena

Breaking News

Ayisizo Ntathelizindaba Ezibangele Ingxabangxoza Ye Nestle le Gushungo Dairy Estates-MMPZ


Inhlanganiso ye Media Monitoring Project of Zimbabwe MMPZ, ithi intathelizindaba zethule kuhle udaba lokuthi inkampani ye Nestle ithenga uchago epulazini le Gushungo Dairy Estates, elathathelwa abanikazi ngendlela inengi elingayithandanga.

Lokhu kulandela umbiko owethulwe liphephandaba le The Herald, othi uMnu. Welshman Ncube, umphathintambo wogatsha lukahulumende olwe Industry and Commerce, wethesa amaphephandaba le misakazo, ikakhulu awe South Africa, eMelika leBhilithani, umlandu wokulumathisa inzondano phakathi kwe Nestle le Gushungo Dairy Estates, ebangele ukuthi kungasaqhutshwa ibhizimusi ndawonye.

UNcube, onguye onikwe umthwalo wokulungisa loludaba, uthi iNestle isizaqhubeka ukuthenga uchago ku Gushungo Dairy Estates. uMnu. Nhlanhla Ngwenya, isiphathamandla se MMPZ, utshele uSithandekile Mhlanga owe Studio 7 ukuthi kuvele kungumlandu wentathelizindaba ukuveza okwenzakalayo elizweni, lanxa abanye bengasoze bekwemukele ngezandla zombili.

‚Äč
XS
SM
MD
LG