amalinks wokungena

Breaking News

Intathelizindaba Zisa Ugwalo Lwezikhalazo Kunhloko Kahulumende


Intathelizindaba zeZimbabwe ezifika ikhulu sezise ugwalo lwezikhalazo zazo kunhloko kahulumende uMnumzana Morgan Tsvangirai zikhonona ngokuhlukuluzwa kwentathelizindaba elizweni okukhanya kulokhe kuqhubeka.

Intathelizindaba lezi ziselolugwalo njalo kuMongameli Jacob Zuma wakwele South Africa yena oselizweni ukuzozama ukuyananisa inkokheli kahulumende womanyano. Lokhu kulandela ukubotshwa kwentathelizindaba yephephandaba le the Standard uNqobani Ndlovu ngodaba alwethule kuleliphandaba.Olunye udaba intathelizindaba ezikhalaza ngalo ngolo kungafuni ukukhulula amagagasi ukuze kube lemisakazo ezimeleyo.

UNdlovu obotshwe mhlaka 17 kuyonale inyanga, uze wakhulululwa namhla ngemva kwesinqumo esenziwe izolo ngumthethwandaba weHigh court, ebesiphikisa esikahulumende sokuthi aqhubeke ebotshiye ngemva kokuvunyelwa ukuhlawula imali yesibambiso, ibail, ngeviki edluleyo.

Imizamo yokukhuluma loNdlovu yehlule.

UBrenda Moyo weStudio 7 ukhulume lomsekeli kamgcinisihlalo wenhlanganiso ye Media Institute of Southern Africa, iMISA, uMnumzana Njabulo Ncube othi ukuhlukuluzwa kwentathelizindaba sokulethe ukwesaba kizo, njalo kuzaziphazamisa ekuqhubeni umsebenzi.

‚Äč
XS
SM
MD
LG