Uhlangothi lukahulumende olwe Central Statistical Office lubika ukuthi intengo yezinto yehlile kancane ngesilinganiso se 0.7 percent ngenyanga ka Nhlolanja.
Ingcwethi kwezenotho zithi ukuzinza kwentengo yezinto ikakhulu eyokudla kubangelwa yikusetshenziswa kwemali yakwamanye amazwe njalo lokuthi abamabhizimisi bafuna intengo yezinto zabo ilingane lentengo yemazweni angomakhelwane.
Abanye ngabathi ukuba khona kukahulumende womanyano lakho kwenze intengo yezinto ingaqongi mahlayana.
UMnumzana Sam Ncube ngusomabhizimusi wako Bulawayo njalo ekhokhela inhlanganiso ye Affirmitive Action Group- AAG esigabeni seMatebeleland. UNcube utshele uBrenda Moyo weStudio 7 ukuthi intengo yokudla lokunye kayikaqongi okwesikhathi eside, esithi abantu abanengi ikakhulu labo abahlala emadolobheni bakhala kakhulu ngendleko yezinto ezifana lamagetsi, amanzi incingo zokukhulumisana lokunye.
