Iqembu elimela ilizwe emdlalweni kakhilikithi seliwelwe yishwa lokulinyalelwa ngomunye wabadlali balo ngaphambilini komdlalo walo wesithathu owohlobo lwe One Day International elizawudlala lele West Indies ngolweSithathu.
Umdlali osakhulayo u Kyle Jarvis uphenduke ekhaya ngemva kokulimala umhlane okuyisehlakalo esesethuse inkokheli zeqembu le Zimbabwe zona ebezikhangelele ukuba lumdlali engathatha indawo yamanye ama fast bowlers aleliqembu njengoba u Chris Mpofu kanye lo Shingi Masakadza belahle ama runs amanengi emdlalweni wesibili phakathi kwalawa maqembu odlalwe ngomgqibelo lapho i West Indies enqobe khona nge 4 wickets.
