Ikomithi kahulumende ebona ngokulotshwa kutsha kwesisekelo sombuso eye COPAC ithi lamuhla ihlangane lequla likamongameli Jacob Zuma we South Africa eHarare, yathenjiswa ukuthi iqula leli lizadinga imali yokuncedisa ukuphutshisa loluhlelo umnyaka ungakapheli.
Iqula leli, lona elikhokhelwa ngu nguNkosazana Lindiwe Zulu kanye lesiphathamandla se African National Congress u Marc Maharaj lifike izolo elizweni lizo dingisisa ingqubelaphambili yokulungisa umhlahlandlela wokhetho elizweni.
UMnu. Edward Mkhosi, omunye wabagcinisihlalo be COPAC obekulo umhlangano utshele uSithandekile Mhlanga weStudio 7 ukuthi iqula lika Mnu. Zuma lithe lizaqhuba izikhalazo zekomiti le kumhlangano we SADC Summit ozaqhutshwa e Angola ngoNcwabakazi.