Iqula likaMongameli Jacob Zuma weleSouth Africa lifike eHarare ngoLwesine lakhulumisana labakhokheli bamabandla akuhulumende womanyano ngokuhluphayo phakathi kwamabandla abo.
Amabandla la axabana ngokungafezwa kwesivumelwani seGlobal Political Agreement. Inengi lithi uMongameli Zuma ukhanya esehluleka ukuyiqeda lingxaki, lokuthi isisombululo kungaba lukhetho olutsha.
Kodwa abanye bathi lanxa kungaze kwenziwe ukhetho olutsha akulanguquko engaba khona ngoba emanengi amathuba okuthi kungaba lodlakela njengakukhetho olwedluleyo.
Ukuhlaziya udaba lolu uNtungamili Nkomo weStudio 7 uxhume isiphathamandla seWoza uNkosazana Magodonga Mahlangu lomqondisi weBulawayo Agenda uNkosikazi Anastacia Moyo.
