amalinks wokungena

Breaking News

Iqula LikaZuma Lizakuya eHarare NgeSonto


Iqula elikhethwe nguMongameli weSouth Africa, uMnu Jacob Zuma lithi lifuna inkulumo phakathi kweMDC leZanu PF ziqedwe ngokuphagisa ngoba sezidonse kakhulu kungelalutho oluphuma kizo.

Iqula leli lizakuya eHarare ngeSonto ukuyakhulumisana labamela iZanu PF lamacele womabili eMDC kunkulumo lezi, ezijonge ukulungisisa okuhluphayo kuhulumende.

Abakunkulumo lezi bathethe ikhefu ngolweSithathu ngoba omunye wabo, uMnu Tendai Biti ongumphathintambo wezemali ecele ukuthi ake alungisise iNational Budget kuqala, yona azayethula mhlaka 2 ngeviki ezayo.

Iqula likaZuma lithi belimele liye eZimbabwe ngolweSihlanu, kodwa elinye ilunga elikuqula leli, uNkosazana Lindiwe Zulu utshele umsakzo lo ukuthi sebezahamba ngeSonto.

Ingcwethi ecubungula ezombusazwe, uMnu Brilliant Mhlanga utshele uNtungamili Nkomo weStudio 7 ukuthi kulutshwana uZuma angakwenza ukubamba amabandla akuhulumende ukuthi evumelane, esithi izizalwane zeZimbabwe yizo zodwa ezilamandla lamano okulungisisa okuhluphayo.

‚Äč
XS
SM
MD
LG