Ugatsha lweSadc Troika luhlangana ngoLwesine ngenjongo yokuhlaziya okwenzakala kwezombusazwe eZimbabwe, kweleZambia.
Inhloko kahulumende uMnu Morgan Tsvangirai, uMnu Arthur Mutambara, uMongameli Robert Mugabe loMnu Welshman Ncube bazaphatheka kulumhlangano.
UNcube loTsvangirai bakhangelelwe ukucela iSadc ukuba ibambe uMugabe ngamandla ukuthi ahloniphe isivumelwano seGlobal Political Agreement njalo atshiyane lokuhlukuluza uzulu.
UTsvangirai yena ngoLwesithathu uhlangane loMongameli Bingu wa Mutharika weMalawi emazisa ngodlakela olukhona elizweni. Ubekhangelelwe njalo ukuhlangana loMongameli Jakaya Kikwete weleTanzania.
Inhlanganiso yeHuman Rights Watch yethule umbiko ikhuthaza iSadc ukuba ibambe uMugabe ngamandla ukuba ehloniphe ilungelo loluntu.
Isikhulumeli seMDC ekhokhelwa nguMnu Welshman Ncube, uMnu Nhlanhla Dube utshele uNtungamili Nkomo weStudio 7 ukuba ibandla lakhe lizacela iSadc ukuba ibambe uMugabe ngesandla esilukhuni.
