amalinks wokungena

Breaking News

ISADC Kasisoze Siyilalele Kudaba Lokhetho:Didymus Mutasa


Umphathintambo wezenzakala emahofisini kaMongameli Robert Mugabe uMnu. Didymus Mutasa, uthi iZanu PF kayisoze ilalele umanyano we SADC kudaba lokuthi kwenziwe nini ukhetho eZimbabwe. UMutasa utshele iphephandaba le The Mail ukuthi iZimbabwe lilizwe elizimeleyo elilakho ukwenza elikufunayo kungakhathalekile ukuthi iSadc yona ithini.

ISADC icebisa eleZimbabwe ukuthi ukhetho kumele lwenziwe ngomnyaka ozayo ngemva kokuba sekulungiselelwe okufunakalayo ukuthi ukhetho lwenziwe kungela ozaphikisa impumela.

Idale elimqoka elePolitburo yeZanu PF, lihlale ngoLwesithathu lagcizelela imbono ka Mutasa emhlanganweni walo. Ngeviki edluleyo umphathintambo wezemithetho, uMnu. Patrick Chinamasa uthe ukhetho kumele lwenziwe ngomnyaka ozayo.

Ingcwethi kwezombusazwe zithi ukwehlukana kwembono yenkokheli yeZanu PF ngodaba lwezokhetho kutshengisa sobala ukuthi lelibandla selilokudonselana okungakaze kubonakale. Isikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube utshele iStudio 7 ukuthi ukhetho alungeke lwenziwa lonyaka.

XS
SM
MD
LG