amalinks wokungena

Breaking News

Isibhedlela SeMpilo KoBulawayo Semukela Isipho Semitshina Yokusebenzisa


Umsekeli wenhloko kahulumende uNkosazana Thokozani Khuphe lamhlanje uqhubele isibhedlela seMpilo koBulawayo isipho semitshina emibili eyokuhlanza impahla, owokutshisa izibi zesibhedlela, njalo walungisisa imitshina yokutshisa amanzi kulesisibhedlela. Isipho lesi sivela kuhlanganiso ye Department for International Development

Umsekeli wenhloko kahulumende uNkosazana Thokozani Khuphe ngolweSithathu uqhubele isibhedlela seMpilo koBulawayo isipho semitshina emibili eyokuhlanza impahla, owokutshisa izibi zesibhedlela, njalo walungisisa imitshina yokutshisa amanzi kulesisibhedlela.

Isipho lesi sivela kuhlanganiso ye Department for International Development eyeBhilithane. UMaKhuphe uthi kusadingeka ukuthi izibhedlela zonke zelizwe zithole usizo ukuze impilo zabantu zithuthuke. Kubikwa intathelizindaba yeStudio 7 uMzenzi Tshabangu.


Kusenjalo, kubikwa sokulamalanga ambalwa kungela mandla ka getsi esibhedlela se Parirenyatwa Hospital eHarare, osokubangele ukuthi imtshina esetshenziswa kulesi sibhedlela ingasebenzi kuhle.

Iziphathamandla zogatsha lukahulumende olwezempilakahle ezingathandanga ukuqanjwa ngamabizo zigcizelele ukubakhona kwalesisehlakalo lokuthi inani lemitshina yama generator esebenza endaweni kagetsi aleneli ukuthi asebenze esibhedlela sonke.

Ukhansila Peter Moyo we Norton kulelidolobho utshele uSithandekile Mhlanga we Studio 7 ukuthi uzibonele ngawakhe umumo okulesi sibhedlela njalo kufanele uhulumende ananzelele ukuthi akucitshwa ugetsi ezibhedlela.

XS
SM
MD
LG