Icele le MDC elikhokhelwa nguMnu. Arthur Mutambara libikwa liqalisile ukukhetha inkokheli yezikhundla eziqakathekileyo, ezigoqela esikamongameli labanye, abazakuyacintisa emhlanganweni omkhulu waleli bandla oweCongress. Umkhokheli walelibandla, uMnu. Arthur Mutambara ukhanya engasathakazalelwa yizigaba ezinengi zeliwe kuleli bandla.
Kukhetho olwenziwe esigabeni seHarare ngolweSine, esikhundleni sikamongameli uMnu Welshman Ncube uthole amavothi angamatshumi phose amane-39, uMutambara wathola alitshumi lantathu-13.
Ezinye izigaba zikhangelelwe ukwenza ukhetho ngempelaviki ezayo. Ukuze sihlaziye loludaba, uStihandekile Mhlanga oweStudio 7 uxoxe loMnu. Rejoice Ngwenya ingcwethi ecubungula ezombusazwe.
