Inhlanganiso ezimela amalungelo ababalisi kanye lohulumende zigcizelela ukuthi isigaba seMatabeleland silokhu sisalele emuva kakhulu kwezemfundo, ikakhulu emaphandleni.
Inhlanganiso ye Zimbabwe Teachers’ Association kanye leye Progressive Teachers’ Union of Zimbabwe, (PTU) zithi kufundisa ababalisi abangafundelanga umsebenzi ezikolo zeMatabelaland njalo impahla zokusebenzisa azeneli.
UMnu. Vusumuzi Mahlangu, isiphathamandla se PTUZ utshele uSithandekile Mhlanga weStudio 7 ukuthi lanxa udubo kwezemfundo lusabalele kwezinye izigaba zelizwe ezigoqela iMashonaland Central le Mashonaland East, eMatabeleland isalele emuva kakhulu ngenxa yezizatho ezinengi.