amalinks wokungena

Breaking News

Kubangwa Isikhundla sikaMnu. Gibson Sibanda


Abanye babikwa besithi kabafuni ukuthi lesi sikhundla sithathwe ngovela eNtshonalanga

Kubikwa sekuqhamuke ukudonselana kwesikhundla somsekeli secele leMDC elikhokhelwa nguMnumzana Arthur Mutambara kulandela ukufa kukaMnumzana Gibosn Sibanda obenguye olesikhundla lesi. USibanda, obengomunye weziphathamandla zogatsha lwezokuxolelana, ufe ngeviki edluleyo ngemva kokugula umkhuhlane wemvukuzane okwesikhathi eside.

Abazi ngokwenzakala kulelibandla bathi osekukhanya kudala inkulumo yikuthi inengi lithi omele athathe lesi sikhundla kumele abe ngovela esigabeni seMandebeleni kuthi ke abanye ngabathi isikhulumeli salelibandla, uMnumzana Edwin Mushoriwa nguye omele asekele uMutambara.

Loludaba lubikwa seludale imbuzo kwabanengi osekubangele ukuthi inkokheli inqume ukuthi kungakhulunywa ngaloludaba kuzekuyiwe emhlanganweni weCongress walelibandla kunyanga eziyisithupha ezilandelayo.

Iziphathamandla zalelibandla zitshele iStudio 7 ukuthi umuntu ongachasisa ngaloludaba ngunobhala jikelele walelibandla, uMnumzana Welshman Ncube kuphela. Imizamo yokukhuluma loNcube yehlule.

UChris Gande weStudio 7 uxoxe lengcwethi ehlaziya ezombusazwe, uMnu. Alois Dzvairo ukuze sizwe okungengi ngaloludaba.

‚Äč
XS
SM
MD
LG