Izakhamizi zeTsholotsho zithi ziyathokoza ngokubakhona kwesikolo seManqe Secondary School, esesibizwa ngokuthi Landa J. High School esibizwa ngomsekeli kamongameli welizwe uMnu. John Nkomo.
Isikolo lesi siqakathekisa izifundo zamakhomputer, i samu, kanye le sayensi okuyizifundo ezivame ukwehlula inengi labantwana ngenxa yokusilela kokusetshenziswayo ezikolo ukugcizelela lezizifundo.
Isikolo lesi sivulwe ngokusemthethweni ngumongameli Robert Mugabe, ophinde wethula uhlelo lwe E-learning esigabeni seMatabeleland. uMugabe ubekhatshwe zinkokheli zikahulumende womanyano emkhosini obikwa ubuthanise inkulungwane ezedlula itshumi lanhlanu zabantu- 15 000.
USenator walesisigaba uMnu Believe Gaule utshele uSithandekile Mhlanga oweStudio 7 ukuthi abantwana balesisigaba bakhangelelwe ukuthola imfundo ezabangenisa emakolitshini endaweni yokuthi bayedinga imisebenzi eleholo eliphansi eSouth Africa bengakaqedi imfundo njengenhlalayenza.