amalinks wokungena

Breaking News

Isilinganiso Semali Ephilisa Abantu Abayisithupha Sehlile Ngenyanga KaMabasa-CCZ


Inhlanganiso emela abathengi eye Consumer Council of Zimbabwe C-C-Z ithi isilinganiso semali eyenela ukuphilisa imuli elabantu abayisithupha sehlile ngenyanga kaMabasa ngesilinganiso se 0,001%.

Ingcwethi kwezenotho zithi lesi silinganiso siphansi kakhulu. I C-C-Z ithi ngenyanga ka Mbimbitho imali ebidingeka ukuphilisa imuli elabantu abayisithupha ibi ngamamadollar eMelika phose amakhulu amahlanu - US$493,25. imali le yehle yafika ku- US$492,34 ngenyanga kaMabasa.

Isiphathamandla seC-C-Z uMnumzana Comfort Muchekeza utshele abezindaba ukuthi intengo yezinto yehliswe yikuthi sokutholakala impahla ezilungiswa elizweni okubangela ukuthi kube lomncintiswano endabeni zentengo.

UBrenda Moyo weStudio 7 ukhulume loMnumzana Sam Ncube usomabhizimusi wako Bulawayo eyisiphathamandla senhlanganiso ye Affirmitive Action Group, othi laloba intengo yezinto ibikwa yehlile izisebenzi ezinengi elizweni zilokhe zihola imali ephansi kakhulu, engahambelani leConsumer Basket.

Okuhambelana lalokhu

‚Äč
XS
SM
MD
LG