Uhlangothi lwe Central Statistics Office luthi isilinganiso sokonakala komnotho welizwe, i inflation, isikhuphuke kancane isuka ku 3.5% yayafika ku 4.8%. Kodwa ngenyanga kaMabasa inhlanganiso ebona ngelungelo labathengi ithe intengo yezinto ezitolo kayikhweli ngesiqubu. Ingcwethi kwezomnotho njalo elilunga lebandla leZAPU, uMnu. Paul Siwela
utshele uChris Gande weStudio 7 ukuthi okunye okubangela ukukhwela kwe inflation yikuqonga kwemithelo ezalwa yisikhwelede zemabhanga, i interest rate.
Kunjalo nje, lanxa intengo yezinto ezitolo ingaqansi ngesiqubu izakhamizi zemadolobheni zithi imbadalo yemithelo yezindlu lamandla kagetsi kukhwela okwesaabekayo. UChris Gande weStudio 7 uxoxe lowayengukhansila wedolobho lakoBulawayo, u Alderman Charles Mpofu ngaloludaba.