Umthethwandaba waphezulu eHarare usunqume ukuthi ukuxotshwa kwamalunga ebandla lenkonzo yeAnglican endaweni yeDaramombe Mission licele elikhokhelwa nguBishop Nobert Kunonga kulelibandla akukho emthethweni.
Umahluli uJustice Chinembiri Bhunu, uphikisane lesinqumo somunye umahluli esavumela ukuxotshwa kwamalunga alelibandla eDaramombe, wanquma ukuthi izisebenzi zalindawo zibuyiselwe ezikhundleni zazo.
Icele elikhokhelwa nguBishop Chad Gandiya selethule umbiko othi liyajabula kakhulu ngesinqumo somthethwandaba, kanye lokuthi livunyelwe ukusebenzisa impahla zesigabeni se Manicaland.
Isiphathamandla seChristian Alliance umfundisi Useni Sibanda utshele uSithandekile Mhlanga weStudio 7 ukuthi ukwethekela kuka Archbishop Rowan Williams, umkhokheli weAnglican emhlabeni jikelele kunsukwana ezedluleyo ukuzozama ukulungisa ingxabangxoza ekulelibandla kungabe kuphathisile ukuthi umthethwandaba uguqule isinqumo.