Ibandla leZanu PF lithi njengoba uhlelo lokuthapha imbono kazulu emele ingene kusisekelo sombuso esitsha soluphelile, selikhangelele ukuthi uzulu emukele lesi sisekelo ku referendum kuyiwe kukhetho ngomnyaka ozayo.
Uhlelo lolu lugqitshwe eHarare ngeSonto njalo sokukhangelelwe ukuthi imibono eqoqiweyo ifakwe ndawonye kwenziwe ugwalo lwe draft.
Isikhulumeli seZanu PF uMnu Rugare Gumbo uthi uzulu weZimbabwe engala ukwamukela isisekelo lesi, kuzamele kwenziwe ukhetho kusetshenziswa isisekelo esivele sikhona ese Lanchaster House, sona esisolwa ngabanengi.
Umsekeli wesikhulumeli seMDC ekhokhelwa nguMnu Arthur Mutambara, uMnu Nhlanhla Dube uthi kunengi okusamele kulungisiswe ilizwe lingakayi kukhetho.
Abe MDC ekhokhelwa nguMnu Morgan Tsvangirai uNkosazana Thabitha Khumalo bayisole kakhulu imbiko yeZanu PF besithi kumele kwenziwe isisekelo sombuso esitsha andubana kwenziwe ukhetho.
