zizalwane zeZimbabwe lezakwamanye amazwe ebezigcinwe enkonzweni ye Central Methodist eJohannesburg kwele South Africa, zibikwa sokuzamele zidinge okokuphephela khona kulandela imbiko ethi lisonto isizavalwa ingasemukeli iziphepheli.
Umfundisi walisonto, uBishop Paul Verryn utshele iStudio Seven ngoMvulo ukuthi sebezamisa ukuphathisa iziphepheli kusukela ngoLwesithathu.
Kubikwa bekusiba labantu abedlula inlulungwane ezimbili lamakhulu amahlanu, 2 500, kade behlala khona, inengi labo lingabavela kwele Zimbabwe.
Izizalwane zeZimbabwe ezihlala kwele South Africa zicatshangelwa ukuthi ziyedlula izigidi ezimbili. Inengi zalaba bantu ngelidinga ubuphepheli ngoba kungela misebenzi elizweni le Zimbabwe.
Isizalwane seZimbabwe esihlala kwele South Africa, uMnu. Kwanele Moyo uthi lisonto ibisile minyaka ethile ihlezi ithwaliswe amagabh’avuzayo, ngosomabhizimusi abakhelane layo ngenxa yokwamukela iziphepheli.
