amalinks wokungena

Breaking News

IUNICEF Ikhuthaza Abesifazana Ukuthi Bamunyise Abantwana


IUNICEF ithi abesifazana kumele bamunyise abantwana bengabaphi okunye ukudla eceleni kuze kufike inyanga eziyisithupha. Abaphila legcikwane lengculaza labo bakhuthazwa ukuthi benzenjalo ukwenzela ukuthi abantwana bengatholi igcikwane elibangela lumkhuhlane.

Ugatsha olubona ngamalungelo abantwana kumanyano wamazwe womhlaba owe United Nations olwe UNICEF lugcizelela inkuthazo yokuthi abesifazana bamunyise abantwana ukwenzela ukwehlisa inani lababhubha ngenxa yokuswelakala kokudla okwakha umzimba.

IUNICEF ithi abesifazana kumele bamunyise abantwana bengabaphi okunye ukudla eceleni baze benelise inyanga eziyisithupha. Abaphila legcikwane lengculaza labo bakhuthazwa ukuthi benzenjalo ukwenzela ukuthi abantwana bengatholi igcikwane elibangela lumkhuhlane.

UNkosikazi Thokozile Ncube, isiphathamandla se UNICEF utshele uSithandekile Mhlanga weStudio 7 ukuthi ugatsha lwakhe luqhube umkhankaso lo ngeviki edluleyo kunanzwa ilanga lokumunyisa ibele likamama kuphela emhlabeni jikelele ele World Breastfeeding Day.

UNkosazana Senzeni Ngwenya, ophila legcikwane le HIV, uthi usanda ukukhupha umntanakhe olenyanga eziyisithupha ebeleni njalo umntwana uziphilele kuhle.

XS
SM
MD
LG