Inhlanganiso egxile eSouth Africa eye Institute of Security Studies ithi eleZimbabwe kufanele liqoqe uluhlu olutsha lwabantu a balelolungelo lokuvota, i Voters’ Roll ngoba ekhona iyasolisa ngokutshengisa abantu abaleminyaka edlula ikhulu labantwana abasanda kuzalwa bebhalisele ukuvota .
Inhlanganiso le ibikwa isiqhubele uhulumende weZimbabwe lolugwalo, njalo icebisa ukuthi iVoters’ Roll le ilahlelwe khatshana kuqaliswe kutsha ukuqoqwa entsha.
Kusenjalo, iziphathamandla zebandla le ZANU PF zibikwa zilokhu zikhuthaza abasekeli bazo ukuthi balungiselele ukhetho ngoba luzaqhutshwa lonyaka.
Asizweni imbono yengcwethi kwezombusazwe, uMnu. Effie Dlela-Ncube ngaloludaba kungxoxo eyenze loSithandekile Mhlanga we Studio 7.