amalinks wokungena

Breaking News

Iyajabulisa Imizamo Kahulumende Yokuvuselela Umnotho - ADB


Ibhanga leAfrican Development Bank lithi liyathokoza ngemizamo yokuvuselela umnotho enziwa nguhulumende womanyano.

Kodwa lithi ukuze imizamo le iphumelele, amabandla akuhulumende lo, abalisa iZanu PF lamacele womabili eMDC kumele egcwalisise isivumelwano seGlobal Political Agreement.

Ekhuluma leStudio 7 umqondisi waleli bhanga obona ngokwenzakala emazweni ezansi yeAfrica agoqela iZimbabwe, South Africa, Namibia, Botswana kanye leSwaziland uMnu Abdirahman Beileh uveze ukuthi iADB siqalisile ukuphathisa iZimbabwe ngoncedo lwemali phansi kohlelo lweFragile States Facility.

Kodwa uthe kuzamele eleZimbabwe lihlawule isikwelede salo kuleli bhanga esedlula i US$400 million ukuze lithole uncedo olupheleleyo.

Ingcwethi ecubungula ezombusazwe uMnu Mlamuli Nkomo utshele uNtungamili Nkomo ukuthi uvumelana leADB ekuthini uhulumende kumele agcwalise iziqondiso sezivumelwano se GPA.

Okuhambelana lalokhu

‚Äč
XS
SM
MD
LG