Inhlanganiso ezizimeleyo zisungule umkhankaso wokukhuthaza izakhamizi zakoBulawayo ukuthi zize ngobunengi zizophatheka kuhlelo lokubuthanisa imbono kazulu okumele ingene ekulotshweni kwesisekelo sombuso esitsha. Umkhankaso lo ubikwa ungene endaweni ezinengi njalo uthakazelelwe ngabanengi.
Kusenjalo, inhlanganiso ebona ngokulotshwa kutsha kwesisekelo sombuso, I National Constitutional Assembly, NCA, igcizelele njalo insolo yayo ngokuphatheka kwamacele womabili eMDC ekulotshweni kutsha kwesisekelo sombuso.
Embikweni ewethule ngoMvulo, inhlanganiso le ithe akufanelanga ukuthi uhlelo lolu luqhutshwa ngamalunga amabandla ezombusazwe, kodwa ngabantu makhaza.
IMDC yona ithi ingakhalala ukuphatheka kuloluhlelo, ibandla le ZANU PF lingazenzela elikufanayo. Okunengi ngaloludaba asikuzweni kungxoxo uSithandekile Mhlanga we Studio 7 ayenze loMnu. Alois Dzvairo, umgcinisihlalo wabatsha kulinhlanganiso.