Udlakela lubikwa selubhahile esigabeni se Mashonaland West. Lokhu kuvezwe yinhlanganiso ye Zimbabwe Peace Project ethi esigabeni lesi izakhamizi ezisekela ibandla leMDC sezithwaliswe avuzayo zidilizelwa izindlu. Inhlanganiso le ithi imuli ezedlula amatshumi amane azisela mizi ngemva kokuba idilizwe ngabasekeli beZanu PF. I ZPP ithi izakhamizi zalumango ezinengi sezihlala ezintabeni ezinye zihle zasuka kulesi sigaba ngoba seziseba ukubuyela emizini yazo. Linhlanganiso ithi izakhamizi ezinengi zeMashonaland West kazisoze zenelise ukulima lonyak ngenxa yodlakela lolu.
Ezinye izakhamizi zibikwa zibanjwa ngamandla ukuthi zizidilizele izindlu phansi kohlelo I ZPP ethi lufana xathu loMurambatsvina. I ZPP ithe njalo umkhokheli wabalwa impi yenkululeko, uMnu. Jabulani Sibanda usephindele njalo esigabeni seMasvingo lapho athembisa izakhamizi udlakela nxa zingekela ukuvotela ibandla leZanu PF kukhetho lomnyaka ozayo.
Kodwa uSibandauyakulandula lokhu watshela uChris Gande weStudio 7 ukuthi limbiko ingamanga ngoba kungela mkhankaso wokhetho okhona kathesi.
