Abasekeli bebandla leMDC elikhokhelwa nguMnu. Morgan Tsvangirai abahlala eGlen View babikwa sebebaleke emizini yabo kulandela ukuqhubeka kokubotshwa ngamapholisa phezu kodaba lokubulala ipholisa. Sekubotshwe abantu abedlula amatshumi ayisithupha besetheswa cala linye. Isikhulumi salelibandla, uMnu. Douglas Mwonzora utshele iStudio 7 ukuthi amapholisa asehle athatha lelithuba ukuhlukuluza abasekeli bebandla.
Ngolwesine ebusuku amapholisa abikwa ebophe ukhansila Sydney Chirombe labanye abasekeli ababili besetheswa icala lokubulala uMnu. Petros Mutedza ngenyanga edluleyo. UMutedza ubulawelwe ebhawa. Ibandla leMDC liyalandula leli cala.
UChris Gande weStudio 7 uxoxe lesiphathamandla seMDC eHarare, uMnu. Peter Moyo ukuze sizwe okwenzkalayo khonale.