amalinks wokungena

Breaking News

IZanu PF Ifuna Umeli weLibya Axotshwe Elizweni, Kodwa IMDC Iyakwala Lokhu


Amabandla akuhulumende womanyano sedabukene njalo phakathi phezu kodaba lomeli weLibya eZimbabwe uMnu Taher Elmagrahi yena oveze kuliviki ukubana sesekela abahlamuki abalwisana lombuso kaMongameli Moarmar Ghadafi.

Ugatsha olubona ngobudlelano beZimbabwe lamanye amazwe luthi uElmagrahi kumele axotshwe elizweni ngoba engasameli uhulumende kaGhadafi.

Abebandla leZanu PF labo bathi uElmagrahi kumele axotshwe. Kodwa amacele womabili eMDC athi lokhu kungaba yikuphambanisa okukhukhulu.

Athi eleZimbabwe kumele lisebenze loEmlagrahi ngoba emela uzulu weLibya yena ohlamukele uhulumende kaGhadafi phansi komzabalazo osungulwe yiNational Transitional Council.

Umkhokheli weZanu PF edale lephalamende uMnu Joram Gumbo uthe uElmagrahi kaxotshwe elizweni ngoba engasameli izifiso zikahulumende kaGhadafi.

Kodwa isikhulumeli seMDC ekhokhelwa nguMnu Morgan Tsvangirai uMnu Douglas Mwonzora uthe kabavumelani lombono weZanu PF.

La ngamazwi agcizelelwe yisikhulumeli seMDC ekhokhelwa nguMnu Welshman Ncube uMnu Nhlanhla Dube.

XS
SM
MD
LG