amalinks wokungena

Breaking News

IZanu PF Ithi Ayisoze Yamukela Ukuguqulwa Kwendlela Abezomvikela Abasebenza Ngayo


Ibandla leZanu PF lithi kalisoze livume ukubana kuguqulwe indlela abomvikela abasebenza ngayo, okuyinto ekhuthazwa ngamacele womabili eMDC.

AbeMDC laba bethesa amapholisa, amasotsha lamaCIO umlandu wokusekela ibandla leZanu PF.

Abamela amacele womabili eMDC kunkulumo zokuxazulula okuhluphayo sebecele uMongameli Jacob Zuma ukuthi akhulumisane loMongameli Mugabe ngodaba lolu.

Bathi bafuna abezomvikela laba besebenze bengathathi hlangothi njalo bengaze bangenela kwezombusazwe.

Kodwa idale leZanu PF politburo libikwa linqume ngoLwesithathu ukuthi lelibandla alisoze likwamukele lokhu.

IZanu PF ixwayise njalo ukuthi uZuma kamelanga azihluphe ngokuluphatha loludaba loMugabe.

Ukuhlaziya loludaba sixhume ingcwethi kwezombusazwe uMnu Zenzo Nkomo yena othe kuyadingakala ukuba kuguqulwe indlela abomvikela abasebenza ngayo kungakayiwa kukhetho.

Okuhambelana lalokhu

XS
SM
MD
LG