amalinks wokungena

Breaking News

IZANU PF Ivimba Ukuhluzwa Komthetho WePOSA Amendment Bill Edale LeSenate


Ibandla le ZANU PF livimbe ukuth umthetho we Public Order and Security Act osolwa kakhulu ngabalwela ilungelo loluntu ucutshungulwe edale le Senate izolo ngoba uhlaziywa kunkulumo ze Global Political Agreement ezisaqhubeka.

Ibandla le ZANU PF livimbe ukuth umthetho we Public Order and Security Act osolwa kakhulu ngabalwela ilungelo loluntu ucutshungulwe edale le Senate ngolweSithathu ngoba uhlaziywa kunkulumo ze Global Political Agreement ezisaqhubeka.

UMnu. Innocent Gonese, isiphathamandla secele le MDC elikhokhelwa nguMnu. Morgan Tsvangirai ubejikele udaba lwe POSA enkundleni kodwa isiphathamandla sebandla le ZANU PF uMnu. Patrick Chinamasa wala esithi kakuhlonitshe inkulumo zokulungisa okuhluphayo elizweni ezisaqhubeka.

UMnu. Moses Mzila Ndlovu, omunye wabaphatheke kulezi nkulumo utshele uSithandekile Mhlanga we Studio 7 ukuthi udaba lwe POSA baludlulisela kuma Principals e Global Political Agreement ukuthi luhluzwe.

Ungezelele wathi kuzahlupha ukuthi lucutshungulwe ngokuphangisa loludaba ngenxa kokubakhona ngokungekho emthethweni kuleliqembu kuka Mnu. Arthur Mutambara owayekhokhela ibandla lakhe.

XS
SM
MD
LG