Kulandela ukuqoqwa kwezigidi ezimbili zamabizo abantu abasayine ugwalo lokusola izijeziso ezetheswa eleZimbabwe ngamazwe aphetsheya, uhulumende uthi ugwalo lolu uzaluqhubela inhlanganiso ezitshiyeneyo ezigoqela i SADC, i COMESA, i African Union, i IMF, i World Bank, I United Nations, kanye ledale leInternational Court of Justice ngenhloso yokuthi lezi nhlanganiso zincedise ukukhankasela ukwesulwa kwezijeziso lezi.
Isikhulumi salelibandla, uMnu. Rugare Gumbo uthi izijeziso lezi zihlupha abantu makhaza abagoqela abagogekileyo, intandane, lasebeluphele.
UMnu. Welshman Ncube, umphathintambo obona ngezamafekithali uthi lanxa izijeziso lezi zibangela ukuwa komnotho welizwe, imizamo yeZANU PF ingaphumelela amabandla wonke akuhulumende womanyano engasebenza ndawonye kusetshenziswa ikomidi eyabunjelwa lumsebenzi.
