amalinks wokungena

Breaking News

IZAPU Ilungiselela Uumkhosi weGolden Jubilee Celebrations eBabourfields Stadium koBulawayo


Abanye abanxusiweyo bagoqela i African National Congress ye South Africa, iMPLA ye Angola, i FRELIMO ye Mozambique, iSWAPO ye Nambia kanye lamanye amabandla kuzwekazi leAfrica aphatheka ekulweni impi kazibuse emazweni abo.

Ibandla eliphikisayo eleZAPU lithi seliqedile amalungiselelo omkhosi omkhulu owe Golden Jubilee Celebrations okhona ngoMgqibelo enkundleni yeBarbourfields Stadium koBulawayo linanza iminyaka engamatshumi amahlanu ibandla leli libunjiwe ngomnyaka ka 1961 ngumuyi uDr. Joshua Mqabuko Nkomo labanye.

Ibandla leli lithi abanxusiweyo abavela kwamanye amazwe kanye laphakathi kwelizwe sebaqalisile ukufika koBulawayo njalo kukhangelelwe ukuthi kube labantu abedlula inkulungwane ezingamatshumi amathathu zabantu, 35 000 kulumkhosi.

Abanye abanxusiweyo bagoqela i African National Congress ye South Africa, iMPLA ye Angola, iFRELIMO ye Mozambique, iSWAPO ye Nambia kanye lamanye amabandla awezwekazi leAfrica aphatheka ekulweni impi kazibuse emazweni awo.

Kodwa isiphathamandla seZANU PF uMnu. Cain Mathema uchothoze lelibandla ngokunanza lelilanga esithi iZAPU le ekhokhelwa nguMnu. Dumiso Dabengwa ileminyaka emithathu kuphela yabunjwa njalo ayisiyo iZAPU yakuqala ngoba leyana ngeyamanyana lebandla le ZANU PF ngomnyaka ka1987 kulotshelanwa isivumelwano seUnity Accord.

Isikhulumi salelibandla uMnu. Methuseli Moyo utshele uSithandekile Mhlanga weStudio 7 ukuthi iqembu lama Soul Brothers ele South Africa kanye labanye abaculi belizweni bakhangelelwe ukuthokozisa abantu kulumkhosi.

.

XS
SM
MD
LG