Inengi lezakhamizi elizweni zithi zizakholwa ngokubona ukuthi inkampani kagetsi eye ZESA izagcwalisa isithembiso sokufaka ama prepaid meters ekuqaleni kwenyanga ezayo ngoba isithembiso lesi sesiyinhlalayenza.
Isiphathamandla seZESA uMnu. Julian Chinembiri ubikwa esithi inkampani le isivumelane lamankampani amane ukufeza lumsebenzi.
Ngakwelinye icele, iZESA ibikwa isiqalisile ukucitsha ugetsi okwamahola afika phose itshumi ngelanga, njalo yakhupha uluhlu lwezikhathi lendlela ezabe icitsha ngayo ugetsi endaweni ezitshiyeneyo zelizwe.
UMnu. Ambrose Sibindi, isiphathamandla se Bulawayo Progressive Residents Association utshele uSithandekile Mhlanga weStudio 7 ukuthi inkampani yeZESA ilokhu ibiza imbadalo ephezulu lanxa abantu becitshelwa ugetsi mahlayana, njalo uthemba ama pre-paid meters awasoze afakwe kwezinye indawo kubandlululwe iBulawayo.