Abafundi bekolitshini ye National University of Scince and Technology, i NUST, ababotshwe ngolweSibili betshengisela, bamiswe phambi komthethwandaba ngolweSine, lapho abancitshwe khona ithuba lokuhlawula imali yesibambiso.
Abafundi laba ngu Beaven Nyamande, David Mashanawani, Duncan Mombeshora lo Ernest Makoni, abetheswa icala lokutshotshozela udlakela bephakathi kwalokhu kutshengisela.
Impahla yekolitshi leli ibikwa itshisiwe kulandela ukubotshwa kwalezi zifundi, njalo amapholisa asahlolisisa loludaba. UMnu. Muziwandile Ndlovu, owayeyisiphathamandla senhlangnaiso elwela amalungelo ezifundi eye ZINASU, utshele uSithandekile Mhlanga we Studio 7 ukuthi uhulumende kumele angakhalali izifundi, kodwa azincedise ekubhadaleni imali yama fees.