amalinks wokungena

Breaking News

Izigaba zeMDC Ezingaphandle Kwelizwe Zikhala Ngokungaphiwa Ithuba Lokukhetha Inkokheli


Izigaba zebandla leMDC elikhokhelwa nguMnu. Morgan Tsvangirai zithukuthele ngenxa yokungaphiwanga ithuba lokukhetha abazavotelwa emhlanganweni walelibandla omkhulu, oweCongress. Isisekelo sombuso salelibandla siyavumela izigaba lezi ukuthi zikhethe amalunga eziwafisayo kodwa isimanga yikuthi kaziphiwanga ithuba kungela ngcazelo. Isikhulumeli salelibandla, uMnu. Nelson Chamisa, walile ukukhuluma ngaloludaba.

Kodwa iStudio 7 ilencwadi ezilotshwe yinkokheli yezigaba lezi, ezibalisa eseMelika, ese UK and Ireland lese South Africa zikhonona kakubi ngaloludaba. Izigaba lezi zona ziqhubekele phambili zakhetha amalunga ezifuna ukuthi avotelwe kuCongress kungakhathalekile ukuthi la magama azamukelwa kumbe hatshi. Izigaba lezi yizo ezibikwa ziletha imali enengi kakhulu kulelibandla osekubangele ukuthi inkokheli yazo icunuke kakhulu. Kodwa inkokheli yalezizigaba yalile ukukhuluma leStudio 7.

UChris Gande weStudio 7 uxoxe lengcwethi kwezombusazwe, uMnu. Walter Nsununguli Mbongolwane othi isehlakalo lesi sizatshiya lelibandla lixega.

‚Äč
XS
SM
MD
LG