Langa linye kusenzakala ingozi yomgwaqo ebulele iziphathamandla ezintathu zebandla leMDC elikhokhelwa nguMnumzana Arthur Mutambara, ilunga lebandla le ZANU PF central committee unkosazana Alice Nkomo laye ulahlekelwe yimpilo lezihlobo zakhe ezine kweinye njalo ingozi yomgwaqo eyenzakalele koMbokodo duzane leNketha.
UNkosazana Nkomo ubengusikomitshi kukhomishini ebona ngezokungethembeki, i Anti-corruption commission.Abanye abalimeleyo engozini le babikwa besesibhedlela seUnited Bulawayo hospitals.
Abanye abahlanu labo abalimele engozini ethethe uMnumzana Renson Gasela, uMnumzana Lynos Mlambo loNkosikazi Ntombizodwa Gumbo abe MDC ekhokhelwa nguMutambara labo babikwa besesibhedlela se Bulawayo United Hospital.
Imizamo yokuthi sizwe okunengi ngempilo kaNkosazana Nkomo yehlule ngoba abasebenza laye bengathandanga ukukhuluma lalo umsakazo njengamazwi alandelayo kaMnumzana Sikhanyiso Ndlovu ilunga le politburo yebandla leZANU PF.
kunjalo nje abeMDC ekhokhelwa ngu Mutambara abathi uMnumzana Lynos Mlambo loNkosikazi Ntombizodwa Gumbo bakhangelelwe ukubekwa ngolwesithathu kuthi uMnumzana Renson Gasela uzabekwa ngomgqibelo kubika iziphathamandla zebandla.
Obona ngokuqhutshwa kokhetho kulelibandla uMnumzana Paul Themba Nyathi utshele uBrenda Moyo weStudio 7 ukuthi balokudana okukhulu ngemfa yabathathu laba abebandla lakhe kanye loNkosana Nkomo weZANU PF.
