amalinks wokungena

Breaking News

Iziphathamandla EbezikuMDC Ekhokhekhelwa NguTsvangirai Zithi Ubandlulula AMaNdebele


Lokhu kulandela imbiko ethi amalunga ecele elikhokhelwa nguMnu. Tsvangirai eMbembesi, asechaphele kubandla leli ngoba esola indlela uMnu. Tsvangirai aphatha angayo abantu beMatabeleland.

Icele le MDC elikhokhelwa nguMnu. Arthur Mutambara lithi inani labasekeli balo lokhu liqonga nsukuzonke elizweni ngoba abantu abavela kwamanye amabandla awezombusazwe agoqela icele le MDC elikhokhelwa nguMnu. Morgan Tsvangirai kanye le ZANU PF bachaphela kulelibandla.

Lokhu kulandela imbiko ethi amalunga ecele elikhokhelwa nguMnu. Tsvangirai eMbembesi, asechaphele kubandla leli ngoba esola indlela uMnu. Tsvangirai aphatha angayo abantu beMatabeleland.

Amalunga la, agoqela amakhansila labanye, athi awaphiwa izikhundla eziphezulu lanxa esebenza gadalala. Asole indlela Umnu. Tsvangirai ayehlise ngayo esikhundleni iziphathamandla zakhe ezise Matabeleland, UMnu. Gorden Moyo lo Mnu. Thamsanqa Mahlangu.

Kodwa isikhulumi secele elikhokhelwa nguMnu. Morgan Tsvangirai, uMnu. Nelson Chamisa uthi ibandla lakhe alikaziswa ngesehlakalo seMbembesi, njalo alilankethabetshabi. UMnu. Edwin Ndlovu, isiphathamandla secele elikhokhelwa nguMutambara, utshele uSithandekile Mhlanga we Studio 7 ukuthi inengi selinanzelela okwenza icele lakhe lehlukane lelikaMnu. Morgan Tsvangirai.

‚Äč
XS
SM
MD
LG