Umongameli Robert Mugabe, okhokhela ibandla le ZANU PF, lenhloko kahulumende uMnu. Morgan Tsvangirai, kanye lomsekeli wakhe uMnu. Arthur Mutambara abakhokhela amacele womabili eMDC sebekhuthaze abasekeli babo, kanye lozulu, ukuthi bengabangeli udlakela ezigabeni zabo ngesikhathi kuqoqwa imbono yabantu ezangeniswa kuhlelo lokulotshwa kutsha kwesisekelo sombuso.
Abathathu laba bakhulume lamazwi, eHarare ngolweSithathu, emkhosini wokuvula ngokusemthethweni loluhlelo, lapho obekuthe gwaqa amalunga edale lephalamende, inhlanganiso ezizimeleyo, kanye leziphathamandla zakwamanye amazwe.
Kusenjalo, umgcinisihlalo wabatsha kunhlanganiso ebona ngokulotshwa kwesisekelo sombuso eye National Constitutional Assembly, uMnu. Alois Dvairo, utshele uSithandekile Mhlanga we Studio 7 ukuth i uhlelo lolu alulungiselelwanga ngokupheleleyo.