amalinks wokungena

Breaking News

'Izisebenzi Lazo Kumele Zengezelelwe Iholo Njengo Mugabe' : PTUZ


Ukwengezelelwa kweholo likaMongameli Mugabe sokubangele ukuthi inhlanganiso ezimela izisebenzi zikhankase ngamandla ukuthi izisebenzi zikahulumende lazo zengezelelwe iholo.

Ugatsha lwePublic Service Commission lwengezelele uMugabe iholo lisuka kumadollar angamakhulu amane, US$400 dollars laya kunkulungwane lenxenye yamadollar eMelika-US$1,500.

Iholo likaMugabe livame ukukhwezwa ngasikhathi sinye lelabasekeli bakhe kanye labaphathintambo.Omunye wabaphathintambo okhulume leStudio 7 uthe ubengelaqiniso lokuthi elabo iholo lalo lengezelelwe na.Uthe lokhu kuzavela sobala mhlaka 25 kuyonale inyanga lapho abazahola khona.

Unobhala jikelele wenhlanganiso emela ababalisi iProgressive Teachers Union of Zimbabwe uMnu Raymond Majongwe uthe kuyajabulisa kakhulu ukuthi uMugabe njengesisebenzi sikahulumende, wengezelelwe iholo.Kodwa uthe lababalisi labo kumele bengezelelwe iholo ngokuphangisa bengakaze bekhalale umsebenzi.

Umsekeli kanobhala jikelele wenhlanganiso yeZimbabwe Congress of Trade Unions uMnu Japhet Moyo laye uthe inhlanganiso yakhe ifuna izisebenzi zonke zengezelelwe iholo njengo Mugabe.

XS
SM
MD
LG