amalinks wokungena

Breaking News

Izisebenzi zeAir Zimbabwe Zibuyela Emsebenzini


Lokhu kulandela isivumelwano phakathi kukahulumende lenhlanganiso ebona ngelungelo labatshayeli bendizamtshina.

Abatshayeli bendizamtshina ze Air Zimbabwe ngolweSihlanu baqale umsebenzi kulandela isivumelwano esenziwe phakathi kukahulumende lenhlanganiso elwela ilungelo labakumsebenzi wendizamtshina, i Flight Crew Association. Abatshayeli laba abakade sebelamaviki amabili bekhalala umsebenzi, befuna ukwengezelelwa iholo, imali yama allowance leinye abakade bengakayiphiwa enyangeni eziyisithupha ezedluleyo.

Ngeviki edluleyo inkampani ye Air Zimbabwe yazise ukuthi abatshayeli laba sebexotshiwe umsebenzi ngakhoke kumele babuyisele impahla yomsebenzi. Kodwa ngolweSine uhulumende ubikwa evume ukuhlawula ingxenye yama allowance lokwengeza iholo kancane kusahluzisiswa loludaba.

Okwamanje umtshayeli uhola amadola phose inkulungwane ezintathu-US$2 600 ngenyanga lama allowances. Ingcwethi kwezenotho, uMnumzana Masimba Kuchera utshele uChris Gande weStudio 7 ukuthi ukwengezelelwa iholo kwabatshayeli laba kuzakhuthaza ezinye izisebenzi ukuthi lazo zikhalale imisebenzi.

‚Äč
XS
SM
MD
LG