Izisebenzi zekhansili yakoBulawayo ziqhubekele phambili ngolweSibili zikhalala umsebenzi. Izisebenzi lezi eziqalise ukukhalala umsebenzi ngoMvulo, zikhalaza ngokuthi zifuna ukuphiwa iholo lazo lenyanga ezintathu ezedluleyo.
Ukukhalalwa komsebenzi lokhu sokubangele ukuthi kuvalwe amanye amakilinika ekhansili kulelidolobho njalo kwesatshelwa ukuthi kungaphazamisa umbukiso omkhulu wezamabhizimusi oweZimbabwe International Trade Fair osaqhubeka koBulawayo.
UMnu. Amen Mpofu, umsekeli kamayor walelidolobho utshele uSithandekile Mhlanga weStudio 7 ukuthi ikhansili ihlangene lezisebenzi ngolweSibili kwacutshungulwa loludaba, njalo zikhangelelwe ukuthi zibuyele emsebenzini ngolweSithathu.