amalinks wokungena

Breaking News

Izisebenzi Zemabhanga Zethusela Ukukhalala Umsebenzi


Lokhu kwenzakala izisebenzi ze Air Zimbabwe zikhalala umsebenzi lamatitshala lawo esithi angakhalala umsebenzi yiloba yisiphi isikhathi

Kumaviki amabili edluleyo izisebenzi zemabhanga zazise ukuba zizakukhalala umsebenzi. Lokhu kuza ngemva kokuphela kwesikhathi esibekwe yinhlanganiso emela izisebenzi zemabhanga iZimbabwe Banks and Allied Workers Union encwadini ebhalelwe abenhlanganiso yamabhanga i Bankers Association.

Kunjalo nje, indizamtshina zenkampani ye Air Zimbabwe ziqhubeka zingaphaphi kulandela ukukhalala umsebenzi kwabatshayeli bazo abathi bafuna ukwengezelelwa mali yama allowance. UMtshayeli ngamunye ubikwa ehola inkulungwene ezedlula ezimbili lengxenye ngenyanga-US $2 509, ama allowance efika kunkulungwane ezilitshumi-$10 000 ngenyanga abathi bafuna yengezelelwe.

Akwaziwa ukuthi bafuna yengezelelwe ngesilinganiso esinganani. Imizamo yokukhuluma lomgcinisihlalo wenkampani ye Air Zimbabwe, uMnu. Peter Chikumba yehlule ngoba ubebikwa esemhlanganweni.

Inhlanganiso yezisebenzi, i Zimbabwe Congress of Trade Unions ithi ilizwe lisengozini yokubhekana lohlupho olukhulu lokukhalala umsebenzi kwezisebenzi ezinengi emisebenzini etshiyeneyo nxa uhulumende engaqhubeka esala ekela ukukhweza iholo. Umsekeli kanobhala jikelele we ZCTU uMnu. Japhet Moyo uxoxe loChris Gande we Studio 7 ngalolu daba.

XS
SM
MD
LG