amalinks wokungena

Breaking News

Izisebenzi ZeMMPZ Ziqhubeka Zivalelwe


Izisebenzi zenhlanganiso yeMedia Monitoring Project of Zimbabwe (MMPZ) ezibotshwe ngoMvulo eGwanda zimiswe emthethwandaba ngoLwesihlanu umantshi wazivumela ukuthi zihlawule imali yesibambiso ukuze zikhululwe, kodwa umtshutshisi uphikise lesisinqumo, okwenze zangakhululwa.

Izisebenzi zeMMPZ lezi ngezithi uFadzai December, uMolly Chimhanda loGilbert Mabusa. Abathathu laba betheswa icala lokwenza umhlangano lozulu eGwanda bengacelanga imvumo emapholiseni.

Betheswa njalo icala lokuthi emhlanganweni lo, banikeze uzulu amaDVD alembiko ehlisa isimo lesithunzi sikaMongameli Mugabe njalo ikhuthaza udlakela.

Umantshi ohluze loludaba nguMnu Douglas Zvenyika. Umtshutshisi ophikise isinqumo sikaZvenyika sokukhululwa kwabasolwa esebensiza isigaba uSection 121 somthetho weCriminal Procedure and Evidence Act, nguMnu Blessing Gundane.

Loludaba solusiya emthethwandaba weHigh Court njalo luzangena mhlaka 16 kulinyanga.

Inhlanganiso ekhankasela ukulondolozwa kwelungelo loluntu emhlabeni jikelele iAmnesty International yethule umbiko isola kakhulu ukubotshwa kwabathathu laba lokunqolongwa komqondisi weMMPZ ngamapholisa kuliviki, uMnu Andrew Moyse.

Inhlanganiso le ithi abathathu laba kumele bakhululwe ngokuphangisa. Igqwetha labo uMnu Kossam Ncube usole kakhulu umtshutshisi ngokuphikisa ukukhululwa kwabasolwa.

Okuhambelana lalokhu

XS
SM
MD
LG