Abasekeli beZanu PF lamapholisa ensitha, ama CIO abikwa exotsha emsebenzini izisebenzi zikahulumende eziyabe zifuna ukuya emsebenzini. Izisebenzi zikahulumende ziphakathi kokukhalala umsebenzi ilizwe lonke jikelele zisithi zifuna ukwengezelelwa iholo. Lokhu kubikwa kusenziwa kakhulu ezikolweni zemaphandleni.
Inhlanganiso yamatitshala, iProgressive Teachers’ Union ithi kwesinye isikolo eMasvingo abasekeli beZanu PF batshele umphathisikolo ukuthi azise abafundi ukuthi babuyele ezindlini bephenduke kuphela nxa ukukhalala umsebenzi sekwedlule.
Isiphathamandla salinhlanganiso, umnu. Vusumuzi mahlangu utshele iStudio 7 ukuthi kwezinye izikolo abasekeli beZanu PF bathwalise nzima amatitshala besithe kawaze emsebenzini.