Umhlangano phakathi kwabaqhatshi lezisebenzi zikahulumende owenzelwe eHarare ubikwa wehlulekile ukuphuma lezinqumo zokwengezelela izisebenzi iholo.
Izisebenzi zikahulumende beziphe umqhatshi wazo amaviki amabili ukuthi azengezelele iholo, wona adlule nje kungela okwenzakeleyo.
Inkokheli yezisebenzi lezi ithi isizakwenza umhlangano lezisebenzi ngolweSihlanu eHarare kuthi ngeviki ezayo kokwenziwe umhlangano koBulawayo.
Umphathintambo obona ngezisebenzi zikahulumende uMnumzana Eliphas Mukonoweshuro walile ukukhuluma ngaloludaba, esithi kakezwa ukuthi umhlangano wangolweSibili uphume lezinqumo bani.
Izisebenzi zikahulumende zifuna ukwengezelelwa iholo lifike kumakhulu ayisithupha amadollar eMelika- US$600 ngenyanga.
Sixhume isiphathamandla senhlanganiso yababalisi eye Progressive Teachers Union of Zimbabwe esigabeni seMandebeleni uMnumzana Vusumuzi Mahlangu othi nxa uhulumende engehluleka ukulungisisa loludaba zilakho ukukhalala umsebenzi.
