Izisebenzi zikahulumende zigcizelele izikhalazo zazo kuhulumende ezigoqela ukwengezelelwa iholo, ukwebolekwa imali yokuthenga izindlu, njalo zanika uhulumende izicebiso zokuthi angabi lendleko ezinengi, okuyizo eziqeda imali.
Lokhu kuvezwe ekugqitshweni komhlangano wezisebenzi lezi leziphathamandla zikahulumende ngolweSihlanu eKariba, njalo uhulumende usethembise ukuthi uzakhangela izikhalazo zabo.
UMnu. Edgar Moyo, isiphathamandla se Zimbabwe Teachers’ Association obeku umhlangano, utshele uSithandekile Mhlanga we Studio 7 ukuthi bazaqhubeka bekhulumisana lohulumende aze afeze izikhalazo zabo.
